Policia frenoi mbrëmë protestuesit jashtë rezidencës së kryeministrit izraelit Benjamin Netanyahu, mes pakënaqësisë në rritje të opinionit për dështimet që çuan në sulmin vdekjeprurës muajin e kaluar nga grupi islamik palestinez Hamas mbi komunitetet rreth Rripit të Gazës.
Duke valëvitur flamujt izraelitë të bardhë dhe kaltër dhe duke thirrur “burg tani!”, qindra njerëz kaluan nëpër barrierat e policisë rreth rezidencës së Netanyahut në Jerusalem.
Protesta e mbajtur ditën e publikimit të rezultateve të sondazhit, sipas të cilit tre të katërtat e izraelitëve besojnë se Netanyahu duhet të largohet, tregoi pakënaqësinë në rritje të qytetarëve ndaj liderëve të tyre politikë.
Netanyahu deri më tani nuk ka marrë përgjegjësinë personale për dështimet që mundësuan sulmin e befasishëm, në të cilin qindra luftëtarë të Hamasit sulmuan jugun e Izraelit më 7 tetor, duke vrarë më shumë se 1400 njerëz dhe duke marrë të paktën 240 pengje.
Zemërimi i opinionit është rritur që atëherë dhe familjet e pengjeve të mbajtura në Gaza, kanë kritikuar ashpër reagimin e qeverisë dhe po kërkojnë që të dashurit e tyre të kthehen në shtëpi.
Mijëra njerëz protestuan në Tel Aviv duke valëvitur flamuj dhe duke mbajtur fotografi të disa prej njerëzve të bllokuar në Gaza me shenja të tilla si “lironi pengjet tani me çdo kusht”.
Tonight, thousands of people gathered in Tel Aviv and announced that they will sit in until the prisoners are released and the missing persons are found.
Another demonstration was held in Jerusalem, where angry protesters clashed with security forces on their way to Netanyahu's… pic.twitter.com/56xsdsM1IZ
— S p r i n t e r X (@SprinterX99880) November 4, 2023
/TV Arbëria
