“Investitorët s’vinë në vende lufte”: Oda Ekonomike i kërkon pushtetit të ndërrojë diskurs

Atë që pushteti e ka dhënë vazhdimisht si mundësi për luftë dhe agresion nga Serbia si pasojë e gjendjes në veri, Kryetari i Odës Ekonomike të Kosovës, Lulzim Rafuna, e sheh të dëmshëm për pikturën globoale ekonomike të vendit – si dhe jondihmuese në raport me investitorët e huaj të mundshëm.

“Ne ende konsiderohemi si vend i tensioneve, si vend i luftës, si vend që kem problem me veriun. Duhet të ndalen deklaratat e udhëheqësve të institucioneve duke filluar nga presidenti, kryeparlamentari e presidentja që thirren se Kosova do të sulmohet nga Serbia, ose që ushtrinë e kemi afër kufirit. Këto deklarata nuk e ndihmojnë ardhjen e investimeve të huaja. Duhet punuar me Komisionin Evropian për të ndaluar masat ndëshkuese”, ka thënë Lulzim Rafuna për tv dukagjini.

“Nëse i shohim investimet e vitit të kaluar, rreth 650 milionë kanë shkuar në patundshmëri. Ne duhet t’i ndihmojë diasporës, gjithë këto mjete duhet t’i riorientojmë në objekte zhvillimore për vendin. Mirë që kanë ble banesa e shtëpi, por nëse nuk i shfrytëzojmë s’është investim por shpenzim”, ka thënë Lulzim Rafuna, Kryetar i Odës Ekonomike.