Forcat e Mbrojtjes së Izraelit kanë lëshuar një deklaratë duke thënë se në orën e fundit ka qëlluar mbi një automjet “me disa të dyshuar” që po udhëtonte “në një zonë të ndaluar për lëvizje në territorin libanez”.
“Forcat qëlluan për të parandaluar mbërritjen e tyre në zonë dhe të dyshuarit u larguan”, thuhet në të, shkruan BBC, transmeton Gazeta Express.
Në deklaratë, IDF thotë se ka vepruar në përputhje me marrëveshjen e armëpushimit dhe “do të operojë kundër kujtdo që përpiqet të shkelë … marrëveshjen”.
Kur u njoftua për herë të parë marrëveshja, kryeministri izraelit Benjamin Netanyahu tha se vendi i tij nuk do të hezitonte të godiste nëse Hezbollahu thyen kushtet.
Deklarata e IDF thotë se forcat izraelite janë “të stacionuara në pozicionet e tyre në Libanin jugor” dhe se forcat ajrore “mbeten të gatshme për të vepruar në të gjithë territorin libanez”.