Kryetari i Asociacionit të Komunave të Kosovës, Sazan Ibrahimi ka deklaruar se AKK është mekanizmi më i fuqishëm sa i përket lobimit dhe ngritjes së kapaciteteve në Evropën Juglindore.
I ftuar në emisionin “N’PULT” në Tv Arbëria, Ibrahimi theksoi se kjo është vërtetuar edhe nga analizat e mekanizmave ndërkombëtarë sa i përket punës ë këtij institucioni.
“Jemi një mekanizëm i cili pothuajse është më i fuqishmi sa i përket aspektit të lobimit po edhe ngritjes së kapaciteteve në Evropën Juglindore. Këtë jo që po e them unë si drejtor ekzekutiv, por është edhe bazuar në analizat e mekanizmave ndërkombëtarë të cilat bëjnë analiza sa i përket punës së Asociacioneve”, tha Ibrahimi.