Analisti i sigurisë, Hysen Gecaj, i ftuar në “Arb Debat” në TV Arbëria me Rid Berishën, ka folur për marrëveshjen trilaterale mes Kosovës, Shqipërisë dhe Kroacisë, në fushën e mbrojtjes.
Ai gjatë intervistës tha se Serbia ka qenë historikisht faktor destabilizues në Ballkan.
“Ju e përmendët se Serbia është një faktor destabiliteti në rajon, por dihet se Serbia ka qenë historikisht faktor destabiliteti në Ballkan në përgjithësi. Sepse të gjitha luftërat që mbahen mend që janë zhvilluar në Ballkan, shkaktar ka qenë Serbia, edhe në të kaluarën,” ka thënë eksperti i sigurisë në TV Arbëria.