Analisti i sigurisë, Hysen Gecaj, i ftuar në “Arb Debat” në TV Arbëria me Rid Berishën, ka folur për marrëveshjen trilaterale mes Kosovës, Shqipërisë dhe Kroacisë, në fushën e mbrojtjes.
Ai ka thënë se po të mos ishte Serbia nën ndikimin e orbitës ruse, Serbia do të ishte që moti në NATO.
“Po të mos ishte Serbia nën ndikimin e orbitës ruse, Serbia që moti do të ishte para nesh në kuadër të NATO-s, mirëpo, meqenëse ka qenë për një kohë të gjatë nën ndikimin rus dhe ka bërë hapa të gabuar në vitet e ’90-ta, pasojat po ndihen edhe sot në Serbi, ku përmenden edhe kërto demonstrata. Kjo është një periudhë e gjatë, prej viteve të ’90-ta deri sot. E di që nacionalizmi serb është ushqyer shumë më herët atje,” ka thënë Gecaj.