Ish-ministri i jashtëm i Kosovës, Enver Hoxhaj ka kritikuar ashpër Qeverinë Kurti për mos-publikimin e asaj se çka kanë pranuar nga marrëveshja për të cilën thotë se tashmë të gjithë e dimë që Qeveria Kurti po negocion fshehtë për statutin e Asociacionit.
Përmes një shkrimi në rrjetin social Facebook, nënkryetari i Kuvendit të Kosovës, njëherësh deputet nga PDK-ja, Enver Hoxhaj, ka thënë se Qeveria Kurti s’ka guximin të publikojë se çka ka pranuar, por këtë duhet ta bëjë BE-ja, sepse evropianët, siç u shpreh ai e dijnë se sekreti qeveritar dëmton besimin e shoqërisë ndaj institucioneve, por edhe krijon bindjen e një komploti kundër të ardhmes së Kosovës.
“Nesër mbahet takimi në Bruksel, por të gjithë e dini se Qeveria Kurti po negocon fshehtë për statutin e Asociacionit. Qeveria Kurti s’ka guximin të publikojë se çka ka pranuar, por këtë duhet ta bëjë BE-ja, sepse evropianët e dijnë se sekreti qeveritar jo vetëm që dëmton besimin e shoqërisë ndaj institucioneve, por edhe krijon bindjen e një komploti kundër të ardhmes së Kosovës!”, ka shkruar Hoxhaj në Facebook.
/TV Arbëria
