Kryetari i Komisionit Qeveritar për Personat e Pagjetur, Andin Hoti në një intervistë ekskluzive në TV Arbëria ka dhënë detaje nga takimi i djeshëm i presidentes Vjosa Osmani, me përfaqësues dhe organizata për personat e zhdukur me dhunë nga lufta e fundit në Kosovë.
I ftuar në emisionin “ARB DEBAT”, Hoti tha se përgjatë takimit u diskutua për komisionin presidencial për drejtësinë tranzicionale, i cili tha se sipas presidenten, do të themelohet shumë shpejtë.
“Presidentja ka shprehë zotimet e saj që shumë shpejtë do të themelohet ky komisiion sepse është në kuadër të strategjisë dhe ka thënë që fokusi kryesorë i këtij komisioni në trajtimin e viktimave, familjeve të personave të zhduku, në trajtimin e aspektit psikosocial”, tha ai.
Sipas Hotit, “Serbia e ka mendjen e njejtë kriminale që e ka pasë në 1998-99, sepse është e njëjta strukturë, nuk është Millosheviqi por është nxënësi i tij”.
“Kërkesa apo bashkëbisedimi me të ka qenë që si presidente në këtë rast kudo që ka mundësi në takime ndërkombëtare sepse kjo po na mungon, që Serbia e ka mendjen e njejtë kriminale që e ka pasë në 1998-99, sepse është e njëjta strukturë, nuk është Millosheviqi por është nxënësi i tij”, tha Hoti./TV ARBËRIA./