Kryetari i Komisionit Qeveritarë për Personat e Zhdukur, Andin Hoti ka deklaruar se pa zgjidhjen e kësaj çështje nuk mund të ketë normalizim të marrëdhënieve mes Kosovës dhe Serbisë.
I ftuar në emisionin “ARB DEBAT”, Hoti tha se zgjidhja e kësaj çështje është edhe në interes të Bashkimit Evropian nëse ata siç tha ai, duan një Ballkan të qetë.
“Çështja e personave të zhdukur pa zgjidhjen e saj do të jetë pengesa më e madhe për normalizim të vendeve tona të Kosovës dhe Serbisë. Nuk mundet me pasë normalizim, as që mundet mu mendu me pasë normalizim pa u zgjidhë çështja e personave të zhdukur, dhe kjo është në interes edhe të Bashkimit Evropian nëse ata duan vërretë një Ballkan të qetë”, shtoi Hoti.