Ivan Rakitić, i cili vjen pasi ka anuluar marrëveshjen e tij me klubin nga Arabia Saudite, Al-Shabab, do të luajë për Hajduk për sezonin e ardhshëm.
“Njëri nga lojtarët më të mirë në historinë e futbollit kroat ka nënshkruar një marrëveshje me Hajduk pak para mesnatës deri në fund të sezonit me një opsion për zgjatje të mëtejshme për një sezon tjetër”, njoftoi Hajduk Split në faqen e klubit.
Rakitić, i cili nga Hajduk paraqitet si lojtari më i dekoruar në ligën kroate, do të prezantohet zyrtarisht të dielën në mbrëmje në një konferencë për shtyp në Split.
36-vjeçari e filloi karrierën e tij në Basel, Zvicër, më pas luajti për Schalke 04 në Gjermani dhe Sevilla dhe Barcelona në Spanjë.
Ai fitoi Ligën e Kampionëve me Barcelonën dhe dy herë Ligën e Evropës me Sevillan.
Ai bëri 106 paraqitje për Kroacinë, duke luajtur një rol kyç në fitimin e medaljes së argjendtë në Kupën e Botës 2018 në Rusi.
Rakitic fitonte 15 milionë euro në sezon te Al-Shabab, por ai do ta fitojë një pagë shumë më të vogël.
Siç është konfirmuar për Index, Rakitic do të ketë një pagë vjetore prej rreth 600 mijë eurosh.