Historiani Rustem Mehmeti në emisionin “N’PULT” në TV Arbëria ka folur rreth masakrës së Tivarit.
Ai ka thënë se, sipas tij, gabimi i shqiptarëve është që nuk u bashkuan për një ide të qartë, por u ndanë në grupacione.
“Unë them që gabimi më i madh është që shqiptarët nuk u bashkuan drejt një ideje të qartë në Luftën e Dytë Botërore, por u ndanë nëpër grupacione dhe mbështetën grupe të ndryshme, shtete të ndryshme, duke përfshirë këtu Gjermaninë dhe pjesën tjetër të bllokut qëndror, Francën. Pra, gabimi ishte, dhe unë mendoj sipas shkencës, që shqiptarët nuk u bashkuan, por cila ishte gjendja e shqiptarëve duhet ta krahasojmë në periudha të ndryshme,” ka thënë historiani në TV Arbëria.