Hisen Berisha, ish-deputet nga PDK-ja, ka thënë se nuk do të ketë koalicion mes Partisë Demokratike të Kosovës dhe Lëvizjes Vetëvendosje.
Berisha thotë se për të mbështetur një koalicion të tillë, duhet të pajtohen me të gjitha deklarimet dhe etiketimet e Kurtit në të kaluarën.
“Kurrë nuk e kam mbështetur këtë, sepse duhet të pajtohesh me Kurtin, i cili ka thënë se ka pasur 20 vjet krim të organizuar dhe korrupsion. Duhet të pajtohesh se ata që janë në Hagë janë kriminelë…”
“Për të hyrë në koalicion me Albin Kurtin, duhet të pranojnë të gjitha këto etiketime, duhet të pranojnë që ata kanë qenë kështu,” ka thënë Berisha.