Ambasadori i SHBA-së në Beograd, Christopher Hill, përgjatë vizitës së komandantit të Gardës së Ohajos në Serbi, ka folur për raportin në mes të Serbisë dhe SHBA-së.
Hill ka thënë se Serbia dhe SHBA s’bien dakord për gjithçka, por se të dy palët duan të punojnë në përmirësimin e bashkëpunimit.
Hill, siç shkruan Zëri i Amerikës, ka thënë se pavarësisht se në të kaluarën ka pasur ditë kur Serbia ka qëndruar e vetme, sot nuk është më vetëm, ka shumë miq dhe se dëshiron të besojnë se SHBA është mes tyre.
“Serbia nuk ka një mik më të madh se Garda Kombëtare e Ohajos”, ka thënë Hill.
Siç tha edhe ambasadori amerikan, nënshkrimi i marrëveshjes strategjike energjetike ndërmjet Serbisë dhe Amerikës është shembull se çfarë mund dhe duan të bëjnë të dy vendet në të ardhmen.
