Lista e të ftuarve të Donald Trump për inaugurimin e tij më 20 janar si president i SHBA-së po finalizohet.
Inaugurimet priren të jenë çështje tradicionale, një rit i rëndësishëm demokratik për turmën vendase. Diplomatët e huaj zakonisht marrin pjesë për mirësjellje, por krerët e shteteve dhe qeverive zakonisht nuk përfshihen.
Trump, natyrisht, nuk është i tillë për traditë. Ai ka ftuar shumë nga liderët e huaj me të cilët ka folur me telefon ose i ka mirëpritur personalisht në rezidencën e tij Mar-a-Lago në Florida, si presidenti argjentinas Javier Milei dhe presidenti kinez Xi Jinping.
Ndërsa rryma kryesore e qendrës evropiane është mënjanuar – Presidentja e Komisionit të BE-së Ursula von der Leyen dukshëm nuk është ftuar – u është dhënë shumë hapësirë politikanëve të ekstremit të djathtë dhe nacionalistëve.
Populisti britanik anti-BE, Nigel Farage, do të jetë aty, ashtu si edhe francezi Éric Zemmour, Tom Van Grieken i Belgjikës dhe ish-kryeministri polak, Mateusz Moraëiecki, i cili u përplas me Brukselin në një mosmarrëveshje të gjatë për sundimin e ligjit.
Midis tyre do të ketë një mori ministrash, diplomatësh dhe politikanësh të huaj të etur për t’u afruar me presidentin e ardhshëm të SHBA-së, shkruan tutje Politico.
Megjithatë, Von der Leyen, presidentja e Komisionit Evropian, nuk ka marrë ftesë, sipas zëdhënësit të saj.
Ndërkaq, Trump ka ftuar po ashtu dhe disa politikanë të Kosovës, sikurse Kryetari i AAK-s Ramush Haradinaj, dhe ai i AKR-s Behgjet Pacolli ku kanë konfirmuar se do të marrin pjesë në inaugurimin e Shteteve të Bashkuara të Amerikës, po ashtu dhe deputetja e LDK-së, Rrezarta Krasniqi, ka udhëtuar për ëashington DC për të marrë pjesë në inaugurimin e presidentit Donald Trump e cila dhe ka konfirmuar ftesën për një event të këtill nga Trump.
Por, Presidentja, Vjosa Osmani dhe Kryeministri i Kosovës Albin Kurti, ende s’kanë konfirmuar se a kanë pranuar një ftesë të këtillë.
TV Arbëria ka kontaktuar zëdhënësin e Presidencës, Bekim Kupina dhe zëdhënësin e Qeverisë, Përparim Kryeziu për të marrë një konfirmim se nëse kanë marrë një ftesë Presidentja Osani dhe Kryeministri Kurti për inaugurimin e Presidentit Donald Trump.
Megjithatë, para disa ditësh, i emëruari nga Donald Trump për Misione të Posaçme në botë, Richard Grenell në një deklaratë për Nacionale ka kritikuar ashpër Kryeministrin e Kosovës Albin Kurti, derisa tha se për herë të parë në 35 vjet marrëdhëniet mes Kosovës dhe Shteteve të Bashkuara të Amerikës “janë në krizë dhe partizane, me Albin Kurtin kryeministër”, teeksa shtoi se ShBA kishte raporte të shkëlqyeshme me Rugovën, Thaçin dhe Hotin – vetëm me Kurtin raportet janë në krizë./tvarbëria/
