Hendbollistet e reja shënojnë fitoren e parë në Botëror

Kosova e mposhti Indinë me rezultat të thellë 25:14. Kosova e dominoi tërësisht ndeshjen duke i fituar të dyja pjesët. Pjesa e parë u mbyll me rezultatin 15:6, ndërsa pjesa e dytë përfundoi 10:8.

Për  hendbollistet e Kosovës kjo ishte ndeshja e tretë e zhvilluar në Kampionatin Botëror që po mbahet në Kinë. Në dy ndeshjet e para ka pësuar disfatë nga Franca dhe Brazili. Më efikasja në ndeshje ishte Diona Dreshaj me shtatë gola. Pesë gola i realizoi Arjeta Imeraj, kurse katër gola i shënoi Andra Uglani.