Shënohet 26-vjetori i vrasjes dhe masakrimit të 106 civilëve në fshatin Pastasel të komunës së Rahovecit, raporton TV Arbëria.
Në kuadër të kësaj, në këtë komunë po mbahet një aktivitet përkujtimor në nder të kësaj dite dhe të rënëve.
Në ngjarje po merr pjesë edhe ministrja e Drejtësisë, Albulena Haxhiu.
Ajo, në fjalimin e saj, ka thënë se sot, kur po e kujtojmë këtë ditë, nga kjo masakër, mbeten ende shumë të zhdukur.
“Kosova jonë lartëson betejat e lavdishme dhe kujton të rënët gjatë periudhës së luftës. Më 31 mars 1999, policia dhe ushtria serbe masakruan 106 shqiptarë të paarmatosur në fshatin Pastasel, këtu në Rahovec.
Fatkeqësisht, sot, kur ne shënojmë 26-vjetorin nga kjo masakër, disa mbeten ende të zhdukur,” ka thënë Haxhiu në Rahovec. /TV Arbëria