Skip to main content

Arbëria TV

Blog Post

Arbëria TV > Kryesore > Haxhiu i vlerëson “përpjekjet serioze të Kurtit”, s’i vjen mirë që LDK i pezulloi takimet, AAK’së i kërkon të jetë konstruktive
iliriana
July 17, 2026 - 12:15
0
13

Haxhiu i vlerëson “përpjekjet serioze të Kurtit”, s’i vjen mirë që LDK i pezulloi takimet, AAK’së i kërkon të jetë konstruktive

Ushtruesja e detyrës së presidentes, Albulena Haxhiu, tha se i ka mirëpritur takimet e zhvilluara “me ftesë të kryeministrit dhe kryetarit të Lëvizjes Vetëvendosje, zotit Albin Kurti”, si dhe dy partive të tjera.

Haxhiu tha se si vjen mirë për pezullimin e takimeve nga ana e LDK’së, e cila po përballet me një nismë për shkarkimin e kryetarit Lumir Abdixhiku, i cili tha se e mori vendimin për pezullim.

“E kam vlerësuar pozitivisht qasjen e LDK-së dhe PDK-së, pra që kanë pranuar që të vazhdojnë këto takime. Nuk më duket mirë që tashmë LDK-ja ka pezulluar takimet për të arritur një marrëveshje. Ftoj edhe Aleancën për Ardhmërinë e Kosovës që t’i përgjigjet pozitivisht ftesave për takime sepse nuk mund të kemi marrëveshje pa pasë takime”, tha Haxhiu sot para mediave.

Sipas saj, qasja serioze, konstruktiviteti në këto diskutime, sjell te një marrëveshje.

“Edhe një herë duhet të theksoj, siç kam thënë më përpara, qytetarët e Republikës së Kosovës përmes votës së tyre i kanë ndëshkuar bllokadat apo qëndrimet bllokuese, të cilat pamundësojnë që ta zgjedhim presidentin e vendit. Kosovës i duhet një president me mandat pesëvjeçar, prandaj rreth kësaj duhet të ketë përpjekje maksimale, pra duhet të ketë përbashkim nga të gjitha palët”, tha ajo.