Ministrja në detyrë, Albulena Haxhiu, sot ka mbajtur një konferencë për media, ku ka deklaruar se gjyqtari Radomir Llaban dyshohet se është bashkëpunëtor i Shërbimit të Sigurisë së Serbisë, BIA-s.
‘Kohëve të fundit është arritur një sukses i madh i institucioneve tona të sigurisë dhe të inteligjencës në dokumentimin e aktivitetit të spiunazhit dhe sabotazhit të Serbisë në Kosovë.
Një nga rastet ka përfunduar me dënim, sepse vetë i akuzuari ka pranuar fajësinë.
Në mesin e këtyre shembujve është edhe ai i anëtarit të Gjykatës Kushtetuese, Radomir Llaban. Bazuar në informacionet që i kanë institucionet relevante, gjyqtari i Gjykatës Kushtetuese, Radomir Llaban, dyshohet se është njëri nga bashkëpunëtorët e Agjencisë për Siguri dhe Informim të Serbisë, e njohur si BIA,’ kështu ka deklaruar ministrja Haxhiu. /TV Arbëria