Hasanaj thotë se rritja për 15% e energjisë elektrike po bëhet për t’i “mbushur xhepat” e KEDS-it – ata kanë kërkuar 35% rritje

Luan Hasanaj, organizatori i protestës kundër shtrenjtimit të energjisë elektrike për 15%, ka thënë se kjo rritje po bëhet për të rritur buxhetin e KEDS-it dhe KESCO-së.

Ai në ARB Debat me Rid Berishën në TV Arbëria ka thënë se, sipas informacionit të tij, këta operatorë privatë kanë kërkuar rritje deri 35% të energjisë elektrike.

“Janë këta tre operatorë privatë të cilët kanë bërë kërkesë tek ZRRE-ja. Sipas informacionit që kemi, ata kanë kërkuar 35%, dhe ne nuk çuditemi sikur ata të kërkojnë edhe 50% ose 100%, sepse ata në fund të fundit janë tregtarë dhe punojnë për përfitim.”

Ai gjatë intervistës ka thënë se rritja e energjisë elektrike po bëhet për të mbushur buxhetin e KEDS-it. /TV Arbëria

NDIQNI INTERVISTËN E TIJ:

Hasanaj flet për rritjen e energjisë për 15%: ZRRE e ka obligim ligjor të diskutojë me grupet e interesit – Nuk kemi marrë asnjë reagim