Tifozët e Arsenalit nuk e harrojnë lehtë rivalin e tyre më të madh lokal Tottenham Hotspur, edhe në momentet kur nuk kanë përballje direkte me ta.
Arsenal dhe Bayern Munich janë përballur në ndeshjen e parë çerekfinale të Ligës së Kampionëve duke luajtur baras 2-2, derisa Kane shënoi një nga golat për bavarezët.
Harry Kane është legjendë dhe ish-kapiten i Tottenham Hotspur dhe normalisht nuk kanë munguar thumbimet nga tifozët e Arsenalit.
Pas ndeshjes, 30-vjeçari u ndal për një intervistë në fushë, por tifozët e Arsenal nuk e harruan rivalin e tyre të vjetër.
Ata e thumbuan Kane në lidhje me faktin se skuadra e tij këtë sezon nuk do ta fitojë Bundesligën, ndërsa nisën të këndonin në kor se kryesuesi i kampionatit është Granit Xhaka, ish-lojtari i tyre sezonin e shkuar.
“Granit Xhaka është në krye të kampionatit”, këndonin tifozët e Arsenalit, derisa Kane e ndali intervistën dhe buzëqeshi nga këngët e tifozëve londinez.
Video në fjalë kur tifozët e Arsenalit kanë kënduar për Granit Xhakën është bërë virale në rrjetet sociale. /Telegrafi/
https://twitter.com/centregoals/status/1777984454151299148?ref_src=twsrc%5Etfw%7Ctwcamp%5Etweetembed%7Ctwterm%5E1777984454151299148%7Ctwgr%5E0096fecc5b2320e7d59c13dd5f5af64ab2d8df0e%7Ctwcon%5Es1_&ref_url=https%3A%2F%2Ftelegrafi.com%2Fharry-kane-nderpritet-intervista-nga-tifozet-e-arsenalit-ata-e-thumbojne-keq-duke-e-permendur-granit-xhaken%2F