Kryetari i AAK-së, Ramush Haradinajn ka kujtuar Betejën e Baballoqit, ndërsa tha se kjo ngjarje hapi një epokë të re të historisë së luftës çlirimtare.
Ai tha se dita e 21 prillit 1998, përpos që nisi luftën frontale në Rrafshin e Dukagjinit, mobilizoi burra e gra që të rreshtohen nën emblemën e UÇK-së, dhe sipas tij, kjo ndikoi që shtrirja e luftës çlirimtare të jetë masovike.
“Dy vjet para Betejës së Baballoqit, më 1996, Armend Daci, studenti i dalluar nga Irzniqi i Deçanit, që ishte bashkuar në UÇK me Adrian Krasniqin dhe Edmond Hoxhën, do të binte në një atentat të organizuar nga forcat e pushtuesit në Prishtinë. Në vitin 1999, në Bullaj të Marecit, do të binte heroikisht bashkë me shokët e plagosur, Afrim Vitia e Sokol Sopi, atdhetari i madh, luftëtari i dalluar, Isa Kastrati. Emrin e tij do ta nderonte në beteja deri në çlirim, “Brigada 172” e Zonës Operative të Karadakut”, shkroi ai në Facebook
Ai kujtoi gratë dhe burrat që u ekzekutuan 27 vjet më parë në fshatra të disa komunave të Kosovës.