Përparim Gruda, deputet i PDK-së, tha se kryesuesi i seancës konstituive nga VV, Avni Dehari, e pranoi një të vërtetë.
Sipas Grudës, kjo e vërtetë është se nuk lejohen mocione procedurale.
Megjithatë Gruda shtoi se Dehari nuk pati guxim ta lexojë aktgjykimin e Gjykatës Kushtetuese deri në fund.
Sipas interpretimit të Aktgjykimit nga Gruda, duhet të vazhdohet me votim të hapur.
“Paragrafi 187 i aktgjykimit thotë qartë:
“(…)zhvillimi dhe përfundimi i Seancës Konstituive duhet të udhëhiqet në pajtim me përcaktimet kushtetuese për konstituimin e Kuvendit, Kreun IV (Konstituimi i Kuvendit) të Rregullores së Kuvendit dhe praktikat e deritanishme parlamentare për konstituimin e Kuvendit të Republikës së Kosovës”.
Cila ka qenë ajo praktikë e deritanishme parlamentare? Votimi i hapur. Gjithmonë”, shkroi Gruda në Facebook.