Granit Shala ka reaguar në rrjetet sociale lidhur me rolin e diasporës në zgjedhjet në Kosovë, duke deklaruar se rezultati elektoral do të dukej ndryshe nëse nuk do të kishte vota nga jashtë vendit.
Në reagimin e tij, Shala shprehet kritik ndaj mbështetjes që, sipas tij, Lëvizja Vetëvendosje e merr nga diaspora.
“Mos votoni nga diaspora nëse doni ta kuptoni realisht sa përkrahje ka në Kosovë. Pa votën e diasporës do të shihej qartë sa pak mbështetje ka VV-ja brenda vendit,” ka shkruar ai.
Sipas tij, vendimet për qeverisjen duhet të reflektojnë më shumë vullnetin e qytetarëve që jetojnë çdo ditë në Kosovë dhe përballen drejtpërdrejt me pasojat e politikave qeveritare.
“Le të vendosin ata që jetojnë çdo ditë me pasojat e qeverisjes,” ka shtuar Shala.
Megjithatë, në fund të reagimit të tij ai thekson se edhe vetë është pjesë e diasporës.
“Edhe unë jam diasporë,” ka shkruar Shala në postimin e tij.