Një grua është gjetur pa shenja jetë në Liqenin e Batllavës.
Zëdhënësi i Policisë për rajonin e Prishtinës, Agron Borovci tha se vdekjen e viktimës e ka konstatuar ekipi emergjent në vendin e ngjarjes.
“Sot rreth orës 12:15, është pranuar informata për një trup të pajetë, në liqenin e Batllavës. Policia menjëherë ka dalë në vendin e ngjarjes si dhe mjekët emergjent të cilët kanë konstatuar se, viktima, femër, rreth 45 vjeç, është pa shenja jete. Aktualisht policia në koordinim me prokurorin e shtetit ka nisur një hetim mbi vdekjen si dhe po vazhdon punën për ndriçimin e plotë të rrethanave që karakterizojnë ngjarjen”, tha ai.