Pa dashur t’i komentojë deklarimet e ministres së jashtme, Donika Gërvalla, në vitin 2021 kundër administratës Trump, zëvendësministri i jashtëm Kreshnik Ahmeti i tha RTV21 se kryeministri Kurti dhe kryediplomatja Gërvalla mezi presin bashkëpunimin me presidentin e 47 të SHBA-ve, Donald Trump.

“Siç e dini, kryeministri Kurti dhe ministrja Gërvalla e kanë uruar presidentin e sapozgjedhur të Shteteve të Bashkura të Amerikës, Donald Trump, duke shprehur në të njejtën kohë gatishmërinë dhe vullnetin për të punuar bashkë për paqe dhe progres. ShBA-të janë aleatë, partnerë dhe miq tanë kryesorë dhe si të tillë kemi shumë fusha me interes të përbashkët në të cilat do të punojmë ngushtë”, ka thënë Ahmeti

Përkundër qëndrmeve të athershme të Gërvalla dhe zërave se presidenti Trump mund ta ndryshojë kursin e bashkëpunimit me Kosovën, ish-drejtori i përgjithshëm i MPJD-së, ambasador, Albert Prenkaj, thotë se Amerika ka politikë njëkahore dhe nuk e ndryshon aq lehtë kursin e saj, por, siç nënvizon, deklaratat kundër administrës Trump mund të mos kalojnë pa pasoja për Kosovën.

“Deklaratat ruhen dhe deponohen në departamentin e shtetit”, tha Prenkaj.

Trump shërbeu si president i SHBA-ve nga viti 2016 deri në vitin 2021, me të humbur zgjedhjet, eksponentë institucional të Kosovës, përfshirë kryediplomatën Gërvalla u lëshuan në deklarata fyese kundër administrës Trump. Në këtë kuptim ish-diplomati, Blerim Canaj, fajëson ministren Gërvalla si fajtoren kryesore për, siç thotë, dështim në diplomaci.

“Fajtore kryesore pse vendi është këtu ku është, është Donika Gërvalla çka i duhet Gërvallës t’i bëjë ato deklarata fyese ndaj Grenell dhe Trump kush është Gërvalla t’i bëjë ato deklarata dhe mos harroni se Gërvalla shkon institucioni mbetet natyrisht se sjellin pasoja”, tha Canaj

Trump u rikthye si president i 47-të i ShBA-ve, i cili bëri historinë si presidenti më i moshuar që ka fituar zgjedhjet presidenciale në ShBA dhe duke ia kaluar Bidenit, i cili ishte 77 vjeç kur e mposhti atë katër vjet më parë.

Gjithashtu Trump kur të japë betimin do të shënohet në histori si presidenti i parë amerikan që ka shërbyer si i 45-ti dhe 47-ti, dhe po ashtu si presidenti i parë i cili është përballur me dy procese gjyqësore dhe i pari president që është dënuar për një krim.