Veprimtari Ramadan Gashi në emisionin “N’PULT” në TV Arbëria ka dhënë detaje rreth demonstratave të vitit 1981.
Ai ka treguar se pas protestave nga studentët, në atë kohë ato ishin një befasi për regjimin pushtues jugosllav.
“Natën e 11 marsit, autoritetet shtetërore dhe autoritetet e sigurimit janë zënë pak në befasi dhe kanë pasur reagimin pak konfuz. Edhe ata nuk e dinin se çka ka ndodhur, por ajo dhunë që u përdor ndaj nesh, që nuk na lanë të bashkohemi me grupin tjetër, nuk kishte ndonjë sjellje tjetër arrogante. Realisht, përpjekja e tyre ka qenë që të na mbajnë të izoluar rreth qendrës së studentëve dhe konviktit, që të mos dalim në mënyrë më të përhapur,” tha Gashi në emisionin “N’PULT” në TV Arbëria.