Zgjedhjet e 9 shkurtit, ishin zgjedhjet e para të rregullta pas një mandati katërvjeçar. Sipas analistit Gani Qarri, qytetarët e Kosovës votuan në mënyrë të kulturuar për legjislaturën e nëntë të Kuvendit të Kosovës.
Megjithatë, ai në një përgjigje për TV Arbëria thekson se Komisioni Qendror Zgjedhor (KQZ) ka dështuar tërësisht në menaxhimin e procesit zgjedhor. KQZ-ja ka treguar ngadalësi të papranueshme, ka vonuar numërimin e votave dhe nuk ka certifikuar ende zgjedhjet, më shumë se pesë javë pas votimit, duke krijuar dyshime të mëdha për transparencën e procesit.
Qarri po ashtu kritikon opozitën, e cila nuk ka votuar përjashtimin e “listës serbe” nga pjesëmarrja në zgjedhje. Ai thotë se kjo është një mbështetje për Serbinë dhe përkeqëson gjendjen politike në Kosovë. Sipas tij, kjo po e mundëson Serbinë që të pengojë anëtarësimin e Kosovës në organizata ndërkombëtare, përfshirë Këshillin e Evropës. Qarri thekson se opozita po e kryen punën e Vuçiqit, duke i dhënë mundësinë Serbisë të veprojë e lirë në politikën ndërkombëtare.
Sa i përket formimit të Qeverisë së re, Qarri shpjegon se, megjithëse Vetëvendosje (VV) fitoi 42.27% të votave dhe siguroi 48 ulëse në Kuvend, KQZ-ja ende nuk ka certifikuar zgjedhjet, duke e bllokuar kështu procesin e formimit të qeverisë. Megjithatë, VV ka mundësi të formojë një qeveri me partitë jo-serbe dhe me Nismën, që ka shprehur gatishmërinë për bashkëpunim.
Në përfundim, analisti Gani Qarri nënvizon se problemi kryesor është vonesa e KQZ-së në certifikimin e zgjedhjeve dhe në shpalljen e rezultateve përfundimtare, duke e vënë në dyshim integritetin e procesit zgjedhor dhe duke krijuar një situatë të pasigurt për të ardhmen politike të Kosovës.
Përgjigja e tij e plotë:
Duke qenë se Qeveria Kurti 2 e çoi mandatin deri në fund, e zgjedhjet e 9 shkurtit në Kosovë ishin zgjedhjet e para të rregullta, që u mbajtën pas një mandati të plotë 4 vjeçar dhe qytetarët votuan në mënyrë aq të kulturuar për legjislaturën e nëntë të Kuvendit të Kosovës, fatkeqësisht, jo vet zgjedhjet, por pikërisht Komisioni Qendror Zgjedhor, dështoi tërësisht dhe me veprimet e tij të habitshme, ngadalësinë marramendëse, neglizhencën e pashembullt, stërzgjatjen e pafund të numërimit të votave dhe mos certifikimin ende të këtyre zgjedhjeve edhe pas kalimit të rreth pesë javëve nga dita e votimit, është kthyer në histori, e cila Zot ruana, nuk do ishte e preferuar ti dëshirohet as nuk mund të urohej, në asnjë mënyrë, që të përsëritet edhe njëherë.
Në anën tjetër, nuk është VV, ajo që dëshiron bashkëpunim me të ashtuquajturën “listë serbe”, por opozita e inkriminuar, e cila duke mos votuar përjashtimin e kësaj dore të zgjatur të Serbisë në Kosovë, nga pjesëmarrja në zgjedhje, anipse nënkryetari i saj ishte kryeterroristi kryesor i cili ka vrarë edhe policë të Kosovës në detyrë, dhe shumë pjesëtarë të kësaj të ashtuquajtur “liste”, ishin pjesëmarrës të të gjitha akteve kriminale dhe terroriste kundër integritetit territorial, rendit e ligjit dhe shtrirjes së sovranitetit shtetëror edhe në veri të Republikës së Kosovës, me mbështetjen dhe marrjen praktike, nën mbrojtje të “listës serbe” nga opozita, përveçse po e komplikon edhe më keq gjendjen politike brenda në Kosovë, ajo po kryen publikisht edhe punën e Vuçiqit, i cili në vend se të shpenzonte kohë e mundi, për tu përkujdesur për mbijetesën e “listës serbe” në Kosovë, fatkeqësisht vet shqiptarët po i japin atij gjithë kohën e duhur dhe krijojnë mundësitë ideale, që Serbia të veprojë e lirë, në planin e jashtëm, e madje të shënojë edhe suksese në pengimin e anëtarësimit të Kosovës në Këshillin e Evropës dhe organizatat tjera ndërkombëtare!
Kurse sa u takon zgjedhjeve të 9 shkurtit, sado që tanimë kanë kaluar mbi një muaj e ca, nga dita e votimeve, përkundër faktit se, në një konferencë për media, zëdhënësi i KQZ-së, Valmir Elezi, para sa ditësh deklaroi se rezultatet përfundimtare do të shpallen më 5 mars, kurse certifikimi i tyre do të bëhet më 18 mars, duke qenë se ende nuk kemi një rezultat final dhe kjo nuk shihet as në horizont edhe sa kohë do të marrë dhe kur do të ndodhë përfundimisht, çështja e mbarëvajtjes së tyre, po vihet në dyshim, të atillë, sa duke pasur parasysh manipulimet me votat e diasporës dhe jo vetëm, si dhe argumentin shumë dëshpërues, se certifikimi i tyre, pritet të zvarritet edhe më tej, ky proces vërtetë po bëhet shumë i dyshimtë dhe vihet para një pikëpyetje të madhe e shndërrohet në fenomen tërësisht të pabesueshëm, veçanërisht kur të gjitha zhvillimet flasin se procesi në fjalë, do të zvarritet edhe më shumë!
Gjendje e krijuar tërësisht kaotike paszgjedhore, për fajin e KQZ-së, përveçse po ju qet hije të zezë edhe zgjedhjeve kaq të rregullta dhe votimeve aq të mira, e shembullore të qytetarëve të Kosovës, të cilët megjithëse u dëshmuan si votuesit më të kulturuar dhe më të emancipuarit në rajon, ka komplikuar edhe fatin e formimit të Qeverisë së re, jo vetëm për atë se LVV fitoi 42.27 për qind dhe ka siguruar vetëm 48 ulëse në Kuvend, por për faktin se zgjedhjet e 9 shkurtit përkundër kalimit të mese 5 javëve, KQZ ende nuk është në gjendje ta bëjë certifikimin e zgjedhjeve,, pa certifikimin zyrtar të të cilave, nuk mund të fillojnë as konsultimet e partive të interesuara për formim in e Qeverisë!
Fakt është se edhe në situatën aktuale, megjithëse partitë tjera në opozitë, përveç Nismës, e kanë përjashtuar mundësinë e koalicionit, LVV me 48 ulëset e fituara, do të mund ta formonte një Qeveri modeste, jo të formës që e kishte mandatin e kaluar, kur mori mbi 50% të votave, por në kombinim të numrave me pakicat jo serbe, të cilat kanë 10 mandate, z. Rashiq i cili ka qenë pjesë e Qeverisë edhe mandatin e kaluar, si dhe disponimin e shprehur të Nism-as për bashkëpunim me LVV-në për formimin e Qeverisë së re, sipas rezultatit të votimeve të 9 shkurtit të këtij viti.
Pra problemi kryekëput, qëndron te KQZ, që fatkeqësisht ende nuk po arrin të krijoj qartësi të plotë, të dal me rezultatet përfundimtare pas-zgjedhore dhe as ti certifikoi zgjedhjet e 9 shkurtit, megjithëse kanë kaluar mese 5 javë, nga mbajtja e tyre, përndryshe sipas asaj që aktualisht dihet Vetëvendosja mund ta formonte Qeverinë e re, në formën e përshkruar më lartë, por duke përjashtuar kategorikisht pjesëmarrjen e dorës së zgjatur të Vuçiqit dhe Serbisë në Kosovë, të ashtuquajturës “listë serbe”, e cila vetëm falë mbështetjes së partive të inkriminuara opozitare, arriti të rifutet serish në jetën politike të Republikës së Kosovës.
Madje, me përjashtimin që LVV, i ka shpallur të ashtuquajturës “listë serbe” të jetë pjesë e qeverisë, ajo i ka bllokuar edhe partitë e inkriminuara opozitare, në qëllimin dhe praktikën e çuditshme të tyre, të cilat megjithëse në të kaluarën, me shumë dëshirë hynin në koalicion me “listën serbe”, tani e tutje edhe po deshën, as ato nuk do të guxojnë më nga irritomi i qytetarëve të KOsovës, të krijojnë qeveri me nënkryetar të parë Goran Rakiqin, siç pati vepruar Ramush Haradinaj, kur ia fali Kullën dhe Çakorrin Malit të Zi, apo pjesëmarrjen e kësaj “organizate” ë dyshimtë e ndonjë udhëheqësi tjetër të të ashtuquajturës “listë serbe”.
Në fakt opozita e inkriminuar duke mos votuar përjashtimin e dorës së zgjatur të Serbisë në Kosovë, të ashtuquajturës “listë serbe” nga pjesëmarrja në zgjedhje, anipse nënkryetari i saj ishte kryeterroristi kryesor i cili ka vrarë edhe policë të Kosovës në detyrë, dhe shumë pjesëtarë të kësaj të ashtuquajtur “liste”, ishin pjesëmarrës të të gjitha akteve kriminale dhe terroriste kundër integritetit territorial, rendit e ligjit dhe shtrirjes së sovranitetiot shtetëror edhe në veri të Republikës së Kosovës, po kryen publikisht edhe punën e Vuçiqit, i cili në vend se të shpenzonte kohë e mundi, për tu përkujdesur për mbijetesën e “listës serbe” në Kosovë, shqiptarët po i japin atij mundësin ideale dhe gjithë kohën e duhur, që Serbia të veprojë e lirë, në politikën e jashtme, e madje të shënojë suksese të jashtëzakonshme në pengimin e anëtarësimit të Kosovës në KiE dhe organizatat tjera ndërkombëtare! /TV Arbëria