U arrestua e më pas edhe dërguar në mbajtje një person me të meta mendore në Klinë.
Sipas raportit të policisë, ai nuk respektoi, përkatësisht shpërfilli vendimet e gjykatës, me ç’rast detyroi intervenimin e autoriteteve.
“Viktima mashkull kosovar, ka njoftuar se djali i tij i dyshuari mashkull kosovar, i cili kishte çrregullime mendore, e ka fyer dhe më pas e ka kanosë edhe nënën e tij. Palët e cekura edhe më parë kanë raportuar rast të dhunës në familje dhe për këtë gjykata ka lëshuar urdhër mbrojtës. I dyshuari është arrestuar ku ndaj të njëjtit janë hapur rastet dhunë në familje dhe mospërfillje e gjykatës. Me vendim të prokurorit i dyshuari dërgohet në mbajtje.”