Arbëria TV

Blog Post

Arbëria TV > Kronikë e zezë > Fushë – Kosovë/Arrestohen dy të dyshuar për “Vrasje në tentativë”

Fushë – Kosovë/Arrestohen dy të dyshuar për “Vrasje në tentativë”

Policia e Kosovës ka njoftuar se ka arrestuar dy persona të dyshuar për veprën penale “vrasje në tentativë”.

Sipas njoftimit, të dyshuarit janë arrestuar në një objekt banesor në Fushë – Kosovë.

“Pas publikimit të fotografive të të dyshuarve S. T. dhe E. B. më 6 shkurt 2025, policia ka vazhduar hetimet intensive për lokalizimin dhe arrestimin e tyre. Më 22 shkurt 2025, Sektori Rajonal i Hetimeve, përmes rrugëve operative, ka pranuar informacione mbi vendndodhjen e tyre. Njësitë policore kanë ndërmarrë veprime të specializuara hetimore për të vërtetuar praninë e të dyshuarve dhe pasi është konfirmuar identiteti i tyre, policia ka arritur t’i arrestojë ata në një objekt banesor në Fushë Kosovë”, thuhet në njoftim.

Bëhet e ditur se në cilësinë e provave materiale janë gjetur dhe sekuestruar dy telefona mobil dhe dy copë fishekë, ndërsa të dyshuarit, me vendim të Prokurorit të Shtetit janë dërguar në mbajtje.