Sonte me fillim nga ora 20:45 stadiumi “London” do të jetë nikoqir i ndeshjes tejet interesante mes West Hamit dhe Liverpoolit, ndeshje kjo e vlefshme për xhiron e 33 të Premier Ligës angleze.
Në xhiron e fundit të zhvilluar, West Hami e shkatërroi Bournemouthin 4:0, kurse Liverpooli e mposhti 3:2 skuadrën e Nottingham.
Momentalisht, Liverpooli zë vendin e shtatë në tabelë me 50 pikë të arkëtuara, krahas West Hamit që renditet i 14 në tabelë në kuotën e 34 pikëve.
Takimi i fundit mes këtyre dy skuadrave daton në muajin tetor të vitit të kaluar, ku asokohe ndeshja përfundoi me rezultat minimal 1:0 në favor të Liverpoolit.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për West Hamin nuk do të paraqitet Scamacca, kurse te Liverpooli mungojnë Bajcetic, Firmino, Keita dhe Ramsay.
Formacionet e mundshme i gjeni më poshtë.
West Ham (4-3-3): Fabianski; Coufal, Zouma, Aguerd, Cresswell; Soucek, Rice, Paqueta; Bowen, Antonio, Benrahma
Liverpool (4-3-3): Alisson; Alexander-Arnold, Konate, Van Dijk, Robertson; Jones, Fabinho, Henderson; Diaz, Nunez, Salah
/TV Arbëria