Trajneri i Milanit, Paulo Fonseca, foli në një konferencë për shtyp në prag të ndeshjes së Champions League ku kuqezinjtë do të përballen me Liverpoolin nesër në mbrëmje.
Fonseca ka thënë se lojtarët e tij duhet të dinë se ndeshja ndaj Liverpoolit nuk është e njëjt me fitoren ndaj Venezias. Trajneri portugez e ka vlerësuar lart skuadrën angleze.
“Është një ekip i madh, është një nga skuadrat më të forta në Evropë për momentin. Ka një lojë shumë të fortë pozicionale dhe individualitet që ne të gjithë e dimë. Ne duhet të jemi një ekip perfekt në mbrojtje për të fituar. Ajo që ndjejmë është se ne mund dhe duam të fitojmë kundër Liverpoolit. Ata kanë sjellur Slot por nuk kanë dallime nga sezoni i kaluar. Nëse mposhtim Liverpoolin, unë do t’i qeras lojtarët me ëmbëlsira portugeze” ka thënë Fonseca.
