Trajneri i Milanit, Paulo Fonseca, është i bindur se ekipi i tij do të përfundojë në një pozicion “ndryshe” në Serie A, por pranoi se Rossonerët “janë një ekip për Ligën e Kampionëve”, ndërsa përgatiten për ndeshjen e së mërkurës në shtëpi ndaj Yllit të Kuq.
“Diavolo” aktualisht ndodhen në vendin e 16-të me nëntë pikë në fazën e grupeve të kompeticionit, por një fitore mund të rrisë ndjeshëm mundësitë e tyre për të përfunduar në tetë të parat, diçka që Fonseca pranoi se ata “po mendojnë për të”.
Ndërkohë që Ylli i Kuq regjistroi katër humbje nga katër ndeshjet e para të Ligës së Kampionëve, ata së fundmi u rikthyen me një fitore të madhe ndaj Stuttgart, çka e shtyu trajnerin Fonseca të bëjë thirrje që lojtarët e tij të mos e nënvlerësojnë skuadrën serbe.
“Ata janë një kundërshtar i fortë, kanë vetëm tre pikë, por vijnë nga një fitore 5-1 ndaj Stuttgart,” tha trajneri portugez në një konferencë shtypi para ndeshjes, siç citohet nga “Tuttomercatoëeb”.
“Liga e Kampionëve është gjithmonë një kompeticion ndryshe, është një motivim ndryshe. Menjëherë përgatitja për ndeshjet është e njëjtë, sepse gjithmonë duam të fitojmë. Kundërshtarët, strukturat dhe strategjitë ndryshojnë”, shtoi ai.
“Ne e dimë prestigjin e Milanit në Evropë dhe sa e rëndësishme është të bëjmë mirë në Ligën e Kampionëve, sepse Milan është një ekip për Ligën e Kampionëve. Gjëja më e rëndësishme është të fitojmë ndeshjen e ardhshme, por nuk mund të them se nuk po mendojmë për të hyrë në tetë të parët”.
Kur u pyet për hendekun e performancave të Milanit mes Serie A dhe skenës evropiane, Fonseca tha se ai mbetet i sigurt se Rossonerët janë “duke u përmirësuar”.
“Po punojmë për ta ndryshuar këtë,” pranoi ai.
“Unë jam këtu dhe vazhdoj të besoj se po përmirësohemi dhe do të përfundojmë në një pozicion tjetër. Nuk kam asnjë dyshim për këtë, dhe kjo është arsyeja pse vazhdoj të punoj çdo ditë me të njëjtin besim dhe pozitivitet që kam pasur që nga dita e pare”.
Për sa i përket formacionit të së mërkurës, ish-trajneri i Romës tha se nuk do të bëjë asnjë ndryshim në mbrojtje dhe nuk po mendon të luajë me dy sulmues nga fillimi.
“Ndoshta do të ndryshojmë diçka, por jo mbrojtësit qendrorë,” shpjegoi ai. “Kohët e fundit kemi përmirësuar shumë në mbrojtje. Ndeshja me Bratislavën ishte një rast i veçantë, por ekipi ka mësuar shumë në mbrojtje dhe jam i sigurt se do të bëjmë mirë nesër, sepse ekipi është në formë shumë më të mire”, përfundoi ai.