Martesa e Billy Ray dhe Firerose Cyrus ka përfunduar zyrtarisht, tre muaj pasi këngëtari bëri kërkesë për divorc nga gruaja e tij australiane prej më pak se një viti, duke përdorur si shkak ‘mospërputhjen e karakterit’.
Dhe pas një ndarjeje gjithnjë e më të ashpër dhe publike, gjatë së cilës secili akuzoi tjetrin për abuzim verbal dhe emocional, dokumentet e gjykatës të nënshkruara të hënën tregojnë se Firerose u largua nga kjo martesë me 0 dollarë dëmshpërblim. Megjithatë, kushtet e marrëveshjes së divorcit tregojnë se Billy Ray ka pranuar të dorëzojë çdo pretendim që ka për kreditë ose honoraret për këngët që çifti ka shkruar ose publikuar së bashku para dhe gjatë bashkimit të tyre.
Deklarimi i divorcit i Billy Ray më 22 maj 2024 erdhi vetëm disa ditë përpara se 37 vjeçarja Firerose duhej të bënte një mastektomi të dyfishtë pas diagnozës së saj me gjenin BRCA që do të thotë se ajo ka më shumë gjasa të preket nga lloje të ndryshme tumoresh. Gjatë divorcit gjithnjë e më të diskutueshëm, Billy Ray dukej se hodhi dyshime mbi vërtetësinë e këtij pretendimi duke kërkuar të dhënat e saj mjekësore, gjë që e ka shëmtuar edhe më shumë procesin e divorcit të çiftit./Bordo.al