Peshq të gjallë kanë rënë si shi në një qytet të izoluar australian që është “përmbytur” katër herë në 30 vitet e fundit. Incidenti më i fundit ndodhi në vitin 2010.
Peshqit ranë në qytetin e vogël të Lajamanu, një komunitet i vogël në Territorin Verior të thatë të Australisë.
“Pashë një stuhi të madhe që po i afrohej komunitetit tim dhe mendova se ishte shi,” tha për ABC News Andreë Johnson Japanangka, një banor i qytetit. “Por kur filloi të bjerë shi, pashë peshk që binin”, shtoi ai.
Ihtiologu i Muzeut të Queensland, Geoff Johnson, zbuloi se “shiu” ra natën dhe njerëzit i panë në mëngjes, të shpërndarë në të gjithë qytetin. Shumë nga peshqit ishin gjallë.
Deri më tani, fenomeni nuk është shpjeguar. Qyteti u mbush me peshq në vitet 1980, 2004 dhe 2010. Herën e fundit që ndodhi, peshqit që ranë mbi qytet ishin me të njëjtën madhësi.
Lajamanu ndodhet shumë larg nga çdo trup i madh uji dhe në buzë të shkretëtirës. Një tjetër teori thotë se peshqit nuk ranë nga qielli, por arritën në qytet pas një përmbytjeje.
/TV Arbëria