Reagimi i tij vjen si pasojë e agresionit serb në Kosovë të datës 24 shtator ku në fshatin Banjskë të Zveçanit, si pasojë e një sulmi të armatosur u vra rreshteri policor Afrim Bunjaku.
Eurodeputeti holandez Thijs Reuten gjatë seancës së Parlamentit Evropian, ku u diskutua për situatën në veri ka lëshuar një sërë kritikash për presidentin serb, Aleksandar Vuçiq.
“Presidenti Vuçiq e bëri përsëri. Ai shtypi butonin e përshkallëzimit, duke rrezikuar qëllimisht paqen dhe sigurinë edhe të njerëzve për të cilët thotë se kujdeset, por mban peng”, tha Reuten.
“President Vuçiq po luan me zjarrin. Çfarë po i ndal masat ndëshkuese ndaj Serbisë? Veprimet e pamatura të qeverisë serbe duhet të kenë pasoja. Komision,Këshill, merrni masa”, shtoi ai.
/TV Arbëria