Pas raportimeve se Lëvizja Vetëvendosje ka filluar mbledhjen e nënshkrimeve për thirrjen e një seance të jashtëzakonshme për formimin e Qeverisë së re, ka reaguar analisti i Institutit Demokratik të Kosovës (KDI), Eugen Cakolli.
Në një prononcim për Kosova Live, Cakolli theksoi se thirrja e një seance të tillë nuk mund të bëhet nga askush pa e dëshmuar paraprakisht tek presidentja e vendit se ekziston shumica prej 61 deputetësh që mbështesin formimin e qeverisë së re.