Deputetja e Kuvendit të Kosovës nga radhët e AAK-së, Time Kadrijaj, tha se ambasada e Kosovës i ka rekomanduar një shtetasi të Kosovës nxjerrjen dhe pranimin e dokumenteve të Serbisë.
Kadrijaj në “Facebook” ka shkruar se Gërvalla po e përfaqëson dobët Ministrinë e Punëve të Jashtme.
“Është për keqardhje se ku është niveli i përfaqësimit, punës dhe angazhimit të dobët të Ministrisë së Punëve të Jashtme të Kosovës, me ne krye Ministren Donika Gërvalla! Është për tu shqetësuar me rastin e bashkëvendësit tonë, bashkatdhetarit tonë Engjell Lekaj, të cilit Ambasada e Shtetit te Kosovës, i rekomandon nxjerrjen dhe pranimin e dokumenteve te shtetit Serb, përkundër asaj qe Kosova qe 25 vite është e lirë, ndërsa ka 16 vite që është e pavarur”, tha Kadrijaj.
Tutje, ajo ka shkruar se “kjo padyshim është skandal dhe dështim i ministrisë se jashtme dhe misionit diplomatik të shtetit tonë, me në krye Ambasadorit Martin Berisha”.