Gjoni Palokaj, boksieri që është me prejardhje nga Prizreni e që është pjesë e Klubit Fightschool Hannover, ka shënuar fitore ndaj çekut, Jaroslav Pokory në kategorinë 66 kg në MMA.
Palokaj e mundi në raunde çekun Pokory, i cili nuk kishte asnjë disfatë për 26 meçe në Çeki.
Meçi u mbajt në Gejrmani në ‘Rudolf Weber Arena’, në Oberhause, ndeshje kjo që e ndoqën rreth 15 mijë shikues.
Pokory, cilësohej si kundërshtar i vështirë ngase, rangohej në vendin e 5-të në Octogon.
Mirëpo, Gjoni ishte tejet i disiplinuar dhe e mundi me pikë kundërshtarin, duke fituar në tre raunde.
Prizrenasi, ka ambicie të kalojë në UFC, por pasi ka nënshkruar me Oktagon, i duhet të bëjë dhe një meç e më pas kalon në kategorinë UFC, pasi pas meçit me çekun, ishte në Miami te American Top Tem.
“Falenderoj, gjithmonë bashkëtatdhetarët e mi që më përkrahin kudo dhe në numër të madh. Kështu ishte dhe në meçin e fundit ndaj çekut, në Oberhausen ku me përkrahjen e tyre arrita fitore”, ka thënë të enjten Palokaj, duke shtuar se është krenar që është shqiptar (me origjinë nga Velezha e Prizrenit), ndonëse ka lindur dhe është rritur në Gjermani.
Video:
/TV Arbëria