Organizata Shqiptaria ka njoftuar se, për nder të datëlindjes së heroit kombëtar, Gjergj Kastrioti – Skënderbeu, do të organizohet një manifestim.
Për këtë arsye, Organizata Shqiptaria ka bërë një thirrje për të gjithë të interesuarit që dëshirojnë të kontribuojnë në manifestimin e datëlindjes së Skënderbeut, për të bashkëpunuar me organizatën.
Njoftimi i plotë:
NJOFTIM PËR OPINIONIN PUBLIK
Organizata “Shqiptaria” njofton të gjithë qytetarët, institucionet dhe komunitetin shqiptar se më 15 Mars 2025, në zyret e saj në Prishtinë, u mbajt mbledhja e Kryesisë, ku u vendos për organizimin e manifestimit të 6 Majit, në nder të datëlindjes së heroit kombëtar, Gjergj Kastrioti – Skënderbeu.
Me qëllim që kjo ngjarje të realizohet në mënyrë dinjitoze dhe të përfshijë sa më shumë faktorë të rëndësishëm, u krijua Këshilli Organizativ, i cili do t përbëhet nga përfaqësues të organizatës “Shqiptaria”, përfaqësues të bizneseve , mediave dhe shoqata kulturore dhe përfaqësues nga diaspora dhe Shqipëria. Ky këshill do të ketë përgjegjësinë për organizimin dhe koordinimin e të gjitha aktiviteteve të manifestimit.
Në këtë mbledhje u miratuan gjithashtu hapat përgatitorë, duke përfshirë:
✅ Organizimin e programit kulturor dhe artistik.
✅ Bashkëpunimin me institucionet dhe komunitetin shqiptar.
✅ Mbështetjen financiare dhe logjistike për realizimin e manifestimit.
✅ Promovimin dhe përfshirjen e publikut në këtë ngjarje historike.
Organizata “Shqiptaria” fton të gjithë të interesuarit, përfshirë shoqata, institucione, bizneset dhe individët që dëshirojnë të kontribuojnë, të bashkëpunojnë në realizimin e një manifestimi të denjë për figurën madhore të Skënderbeut.
Për më shumë informacion dhe përfshirje në organizim, ju lutemi të na kontaktoni në:
📧 Email:[email protected]
📞 Tel: +38344990599
Me respekt,
Organizata “Shqiptaria”