Një sulm me raketa ruse në një hotel ka vrarë katër persona në qytetin e lindjes së presidentit Volodymyr Zelensky në Kryvyi Rih.
Por, këta nuk janë viktimat e vetme nga sulmet ruse gjatë natës së kaluar në Ukrainë.
Zona të tjera të vendit janë shënjestruar gjithashtu nga sulmet ruse, me një civil të vrarë dhe tre të tjerë të plagosur në Novoolenivka, në rajonin e Donetsk, sipas kreut të administratës rajonale, shkruan BBC, transmeton Gazeta Express.
Dhe në qytetin verilindor të Ukrainës, Sumy, një tjetër civil vdiq pasi trupat ruse goditën një “objekt të infrastrukturës civile”, thotë Shërbimi Shtetëror i Emergjencave të Ukrainës.
Sulmet ndodhën derisa Zelensky po përgatitet për një samit urgjent me liderët e BE-së në Bruksel.