Kryeqyteti i Koresë së Veriut, Pheniani, është bërë gati për të mirëpritur presidentin e Rusisë, Vladimir Putin, me rrugët të veshura me flamuj rusë dhe portrete të Putinit.
Imazhet dhe pamjet e shpërndara nga agjencia shtetërore ruse e lajmeve RIA Novosti tregojnë një pankartë që mirëpret Putinin përgjatë autostradës, të veshur me postera propagandistike të Koresë së Veriut, shkruan BBC.
“Miqësia midis Koresë së Veriut dhe Rusisë është e përjetshme”, shkruhet në një baner jashtë aeroportit ndërkombëtar Sunan të Phenianit.
“Ne e mirëpresim ngrohtësisht shokun president rus Vladimir Vladimirovich Putin,” thotë një tjetër.
Koreja e Veriut kishte pastruar pistat jashtë aeroportit të Phenianit një javë më parë, tha NK News, një faqe e specializuar me qendër në Korenë e Veriut, duke cituar pamjet satelitore.
Për çka po shkon Putin në Korenë e Veriut?
Së pari, Putini ka nevojë për municion për të mbështetur makinën e tij të luftës në Ukrainë.
“Ne duhet të kujtojmë se ai e filloi këtë marrëdhënie bazuar në nevojën e tij për artileri, municion dhe raketa për pushtimin e tij në Ukrainë dhe ai do t’i mbajë këto nevoja për disa kohë”, thotë Bruce Bennett, një analist i lartë i mbrojtjes në RAND Corp në SHBA. .
Jeffrey Leëis, një ekspert i Koresë së Veriut në Institutin Middlebury të Studimeve Ndërkombëtare, pajtohet duke thënë: “Rusia merr shumë armë të lira, duke përfshirë raketa balistike”.
Përtej mbrojtjes, forcimi i marrëdhënieve me Korenë e Veriut gjithashtu luan rol në përpjekjet e Putinit për të minuar sanksionet ndërkombëtare, thonë analistët.