Një ngjarje tragjike ka ndodhur mëngjesin e sotëm në Prizren, ku një grua dyshohet se është vetëvrarë.
Lajmin për media e ka konfirmuar, Shaqir Bytyqi, zëdhënës i Policisë së Kosovës për rajonin e Prizrenit.
“Rreth orës 06:50, dyshohet se një grua është vetëvrarë me armë zjarri. Policia dhe njësitë relevante kanë dalë në vendin e ngjarjes ku edhe është konstatuar vdekja e viktimës”, tha ai.
Bytyqi tha se viktima dyshohet se është e moshës rreth 45-vjecare dhe se rasti ka ndodhur në shtëpinë e saj.
Lidhur me rastin tashmë është njoftuar prokurori.