Dy gra u vranë dhe pesë persona të tjerë u plagosën kur të shtënat me armë shpërthyen në një park në veri të Nju Jorkut, thanë autoritetet të hënën.
Sipas mediave të huaja, përcjell Telegrafi, qindra njerëz ishin në Maplewood Park në Rochester në atë që kishte qenë një ngjarje festive kur dikush hapi zjarr rreth orës 18:20, tha policia.
“Në një moment, u qëllua nga armë të shumta, duke goditur viktimat”, tha shefi i policisë David Smith në një konferencë shtypi.
Tyasia Manning, 25 vjeç, një punonjëse e qytetit, u vra, tha policia. Një viktimë e dytë, Phylicia Council, 34 vjeçe, vdiq më vonë.
Policia e Rochester konfirmoi se një festë po ndodhte në zonë në momentin e të shtënave.
“Në këtë pikë ne nuk e dimë se sa njerëz po qëllonin”, ka thënë kapiteni Greg Bello të dielën në mbrëmje.
Asnjë i dyshuar nuk është në paraburgim, tha policia.
Rochester është rreth 340 milje (547 kilometra) në veriperëndim të Manhattan.