Dogana e Kosovës ka bërë të ditur se ka zbuluar mallra të padeklaruara me vlerë të lartë në Aeroportin Ndërkombëtar të Prishtinës.
Mallrat e zbuluara përfshijnë: 4 copë orë dore me vlera totale të mallrave mbi 45000 mijë euro.
“Mallrat jane konfiskuar dhe ka filluar procedura kundërvajtëse”, thuhet në njoftimin e Doganës.
Dogana e Kosovës rikujton të gjithë udhëtarët se të gjithë mallrat me vlerë që kalojnë kufirin duhet të deklarohen sipas dispozitave ligjore në fuqi.
“Mosdeklarimi i tyre përbën shkelje dhe mund të rezultojë me masa ndëshkuese, përfshirë konfiskimin e mallrave dhe gjobitje”.