Disa vetura janë përfshirë nga zjarri mbrëmë pas mesnatës në lagjen Kalabria, shkruan Arbëria TV.
Si pasojë e kësaj, disa persona kanë pësuar lëndime, me ç’rast kanë pranuar edhe trajtim mjekësor.
Rastin pët Arbëria TV e ka konfirmuar edhe zëdhënësi i Policisë për rajonin e Prishtinës, Agron Borovci.
“Rreth orës 01:15, është pranuar informata se disa vetura janë përfshirë nga zjarri në bodrumin e një objekti në rrugën “Ali Vitija” në Prishtinë. Policia menjëherë ka dalë në vendin e ngjarjes, ka ftuar edhe zjarrfikësit të cilët kanë lokalizuar zjarrin, si dhe janë ndërmarrë veprime të tjera për të parandaluar çfarëdo lloj rreziku. Përveç dëmeve materiale, për shkak të tymit të krijuar, panikut ose arsye të tjera të ngjashme, disa persona kanë marrë trajtimin mjekësor”, potencoi ai.
Mes tjerash, Borovci bëri të ditur se Policia në koordinim me prokurorin e shtetit po vijon punën e saj me qëllim zbardhjen e plotë të rrethanave të ngjarjes./Arbëria TV/