Dhjetëra mijëra njerëz pritet t’i bëjnë nderimet e tyre ish-Papës Benedikti XVI kur trupi i tij të ekspozohet në Vatikan.
Ai vdiq natën e Vitit të Ri në moshën 95-vjeçare, pothuajse një dekadë pasi u largua nga pozita për shkak të shëndetit të lig.
Papa Françesku do të kryesojë funeralin e së enjtes – hera e parë që një Papë do të varroset nga pasardhësi i tij.
Vatikani thotë se shërbimi do të jetë i thjeshtë, solemn dhe i matur, përcjell KosovaPress.
Benedikti XVI u bë Papa i parë që dha dorëheqjen në 600 vjet në vitin 2013, duke përmendur problemet shëndetësore.
Trupi i tij do të ekspozohet për tre ditë në një arkivol të hapur në Bazilikën e Shën Pjetrit, ku njerëzit do të lejohen të bëjnë nderimet e tyre deri në orën 19:00 çdo mbrëmje.
Varrimi do të bëhet në sheshin e Shën Pjetrit.
Vatikani publikoi fotografitë e trupit të dielën. /TV Arbëria
