Ende pa nisur seanca e sotme e Kuvendit të Kosovës, në mungesë të deputetëve, ajo nuk vazhdoi.
Kryetari i Kuvendit të Kosovës, Glauk Konjufca tha se nuk ka kushte për mbajtje të seancës pasi në sallë janë vetëm 44 deputetë.
Konjufca: Nuk ka kushte për tu mbajtur seanca, 44 deputetë në sallë
“Gjysmë ore është bërë prej kur është ftuar kjo seancë prej kur është dashur të niste kështu që, vetëm 44 deputetë janë të pranishëm. Nuk ka kushte për t’u mbajtur seanca, shihemi në seancën e nesërme”, u shpreh ai.
Në këtë seancë ishin në rend dite pikat e papërfunduara nga disa seanca të kaluara. Ndër to ishte dhe Votimi në parim i Projektligjit për shëndet riprodhues dhe fertilizim të asistuar mjekësor, shqyrtimi i Propozim-rezolutës për gjendjen në Ministrinë e Industrisë, Ndërmarrësisë dhe Tregtisë etj.
Nesër në orën 10:00 përësëri do të ketë seancë plenare.
/TV Arbëria
