Kroacia dhe Italia do të luajnë ndeshjen vendimtare të hënën mbrëma me fillim nga ora 21:00 për të kaluar nga Grupi B në Leipzig.
Pas dy ndeshjeve të para, Spanja ka gjashtë pikë, Italia tre, dhe Kroacia dhe Shqipëria nga një pikë në Grupin B.
Do të jetë një ndeshje shumë interesante, derisa Italia pas dëshpërimit ndaj Spanjës pritet të bëjë shumë ndryshime në formacion.
Sipas asaj që ka raportuar ‘Football-Italia’, trajneri italian Luciano Spalletti për këtë arsye do të vendosë të bëjë ndryshime të shumta për ndeshjen me Kroacinë,
Për shkak të paraqitjes së dobët ndaj spanjollëve, sulmuesi Gianluca Scamacca, anësori Federico Chiesa, mesfushorët Jorginho dhe Davide Frattesi dhe mbrojtësi Giovanni Di Lorenzo mund të humbasin vendin në 11-shen e parë.
Jorginho dhe Scamacca mund të zëvendësohen nga Bryan Cristante dhe Mateo Retegui, ndërsa një opsion për zëvendësimin e Jorginhos është Nicolo Fagioli, ylli i ri i Juventusit të cilit së fundmi i ka skaduar pezullimi për baste.
Kapiteni i Napolit, Di Lorenzo, pati probleme me ruajtjen e Nico Williams dhe Andrea Cambiaso që u fut nga banka nuk ia doli më mirë, kështu që Matteo Darmian mund të jetë lojtari që do të vendoset në krahun e djathtë të mbrojtjes.
Lorenzo Pellegrini mund të zhvendoset më shumë në qendër për të formuar një ‘tetë’ në tandem me Nicolo Barella dhe Bryan Cristante, derisa treshja e sulmit do të ishte Giacomo Raspadori Mateo retegui dhe Mattia Zaccagni.
