Veprimtari Ramadan Gashi në emisionin “N’PULT” në TV Arbëria ka dhënë detaje rreth demonstratave të vitit 1981.
Ai ka thënë se studentët në vitin 1981nuk i ndali as dhuna dhe as vrasjet e studentëve që ndodhën, për të vazhduar përpjekjet dhe rezistencën kundër regjimit pushtues në atë kohë.
“Në vitin 1981 pati arrestime masive, thjesht nuk arritën të ndalin zërin e studentëve dhe zërin e popullit, i cili ishte tashmë i zgjuar dhe i vetëdijshëm se nuk ka kthim prapa, por duhet të vazhdohet, ani pse masat e pushtetit ishin shumë brutale. Më 26 mars filluan torturat çnjerëzore ndaj studentëve. Më 1 dhe 2 prill pati vrasje të studentëve, por studentët, popullata, rinia nuk u zbrapsën, por vazhduan. Mandej, siç dihet, kanë hequr edhe autonominë dhe masa të tjera, por prapë ka vazhduar përpjekja dhe rezistenca deri tek kulmi i krejt rezistencës në Ushtrinë Çlirimtare të Kosovës,” ka thënë Gashi në TV Arbëria.