Etimologu, Agron Dalipaj, i ftuar në emisionin Përtej Tregimit me Valentina Ahmetin, ka thënë se çdo teori e re që shfaqet has në rezistencë.
Ai, duke iu referuar kundërshtimeve dhe kritikave që merr për teoritë e tij, thotë se qëllimi i tij nuk ka qenë të hedhë poshtë një tezë tjetër.
“Çdo gjë e re që del në fushën e shkencës has në rezistencë, ka të bëjë me të shkuarën e saj, sepse një teori e re natyrisht shkel mbi një tjetër.
Kur të dalë një e vërtetë e pamohueshme, shkakton një reaksion, pasi është një sistem gjërash, njerëzish, veprash, të cilat janë ngritur mbi një sistem, mbase të gabuar. Synimi im nuk ka qenë kursesi që unë të hedh poshtë një rrymë. Shumë pjesë të asaj që quhet gjuhësi krahasuese, mua më hyjnë në punë, sepse ata kanë bërë krahasime për fjalët, por nuk gjejnë dot përfundimin,” ka thënë ai në Përtej Tregimit.